Akonselador

Ba         : Sra. Luísa Barros

Official ARH

            Ministério da Saúde-Caicoli Dili

Cc        : Joaquim Pinto

            ICS-Dili

Assuntu: Informasaun data ba workshop akonselador no Nomeasaun partisipante

                                                                       

                                                                                                Quarta Feira, 2 Fevereiro 2011

Marie Stopes International Timor Leste (MSITL) hanesan organizasaun internasional nebee servisu iha area Saude Sexual no Reproduktiva iha Timor Leste lao tiha ona iha Timor Leste besik tinan haat depois estabelese iha 2006. Durante ninia operasaun iha Timor Leste, MSITL iha parseria ho Ministério de Saúde atu redus mortalidade inan nian liu husi nia misaun katak iha oan tamba hakarak maibe laos tamba asidente.

Iha tinan kotuk, MSITL nia proposta ba Banku Mundial no Burnet Institute hetan tiha ona apoio positivu atu suporta MSITL nia projetu foun kona ba Saude Reproduktiva ba Foinsae sira. Projetu nee pilotu no atu opera uluk iha Dili no Bobonaro. Objetivu ida husi projetu ida nee mak atu haforsa kapasidade akonselador no fornesedor local Saude Sexual no Reprduktiva nian hodi bele fo asistensia amigavel ba foinsae sira kona ba saude sexual.

Agora dadaun nee, projetu nee plano tiha ona atu fo workshop ba akonselador sira nebee sei nomeia husi Ministério de Saúde, Ministério de Edukasaun, Secretariado do Estado Juventude e Desporto, no pareseiru sira seluk iha distrito Dili no Bobonaro. Tuir plano, workshop nee sei fasilta husi kolega sira husi Burnet Intitute husi Australia no iha kolaborasaun ho Grupo Trabalho Saude Reproduktiva ba Foinsae Sira inklui mos MSITL nia ekipa.

Data tentativu (Sei konfirma fila fali) atu halao workshop nee mak:

No	Distrito	Loron workshop	Observasaun
1	Bobonaro	2-6 Maio 2011	Partisipante tenke servisu iha distrito nee rasik
2	Dili	9-13 Maio 2011	Partisipante tenke servisu iha distrito nee rasik

Numeru partisipante sira hamutuk ema nain 40, entaun ami hein katak Ministério da Saúde bele nomeia mais-ou-menus ema nain 4 iha Dili no ema nain 4 iha Bobonaro atu tuir workshop rua nee. Ita espera katak ita boot sira bele pesoal saude sira hanesan doutor/a, parteira, infermeiro/a liu-liu sira nebee gosta atu servisu hamutuk ho foinsae sira no iha energia duni.

Atu organiza ida nee ho diak, MSITL agora dadaun nee hein hela resposta husi Ministério kona ba data nebee refere iha leten. Depois ita bele tuur hamutuk fali atu konfirma partisipante sira nebe nomeia tiha ona. Formulaio ba nomeasaun bele haree iha aneksu.

Obrigado barak ba ita boot sira nia kontribuisaun no kolaborasaun ba programa ida nee. Hein katak relasaun diak ida nee sei mantein nafatin hodi hadia Saude reproduktiva povu Timor Leste  liu-liu foinsae sira. 

Mak saran lia,                                                                            Kuinesimentu husi,

____________________                                                        _________________

Agostinho da Costa Cabral                                                 Meg Smith

Project Manager                                                                       Program Manager

Data: _______________                                                         Data: _____________